Plantun de Prouvènço

Pèr coumpara dos planto d'encò nostre

Caltha palustris & Cyperus eragrostis

Gauche-d'aigo

Caltha palustris

Ranunculaceae

Àutri noum : Gauchet-d'aigo, Peirouleto, Bescuchèu, Erbo-dóu-marfoundemen.

Noms en français : Populage des marais, Caltha des marais.

Descripcioun :
Au nostre, lou gauche-d'aigo se vèi soulamen en mountagno que i'agrado lis endré fres e bagna. Douno un pau d'èr à l'auriheto, Ficaria verna, emé si flour jauno, pamens li fueio soun eici redouno, en couor à la baso, ço qu'a douna li noum de peirouleto (pichot peiròu) e de bescuchèu (pichot bescue).

Usanço :
La planto caup, coume lis àutris Ranunculaceae, de proutou-anemounino, pamens li jóuini fueio e flour podon èstre manjado. Autramen fau faire couire mant'un cop la planto o la faire seca. Èi counseiado pèr lucha contro lou mau d'os. Èi peréu sudourifico (erbo-dóu-marfoundamen), antispasmoudico e sedativo. Fretado sus la pèu levo la doulour e fai veni rouge (rubeficanto).

Port : Erbo
Taio : 15 à 60 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Caltha
Famiho : Ranunculaceae

Ordre : Ranunculales

Coulour de la flour : Jauno
Petalo : >6
Ø (o loungour) flour : 2 à 4 Cm
Flourido : Printems - Estiéu

Sòu : Ca
Autour basso e auto : 800 à 2300 m
Aparado : Noun
Abriéu à juliet

Liò : Riéu - Prado umido - Palun - Sourgènt
Estànci : Coulinen à Subaupen
Couroulougi : Bourealo
Ref. sc. : Caltha palustris L., 1753

Triangle(-verturious)

Cyperus eragrostis

Cyperaceae

Nom en français : Souchet robuste.

Descripcioun :
Aquéu triangle, bèn verd emé sa cambo levado e lisco e segur di tres coustat, nous vèn dis Americo. Pòu faire fin qu'à 1 m d'auturo. Au bout de long pecou s'atrobon lis espigueto d'un verd jaunous e proun sarrado que formon un brout en oumbello. Se rescontro sus li levadoun, en ribo de canau e dins li pradarié mouisso.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Grando erbo
Taio : 20 à 70(100) cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Cyperus
Famiho : Cyperaceae

Ordre : Poales

Coulour de la flour : Verdo
Petalo : ges
Ø (o loungour) enflourejado : 1 à 10 cm
Flourido : Estiéu - Autouno - Ivèr

Sòu : Ca
Autour basso e auto : 0 à 400 m
Aparado : Noun

Liò : Palun - Ribiero - Prado umido
Estànci : Termoumediterran à Subremediterran
Couroulougi : Óurigino Americo
Ref. sc. : Cyperus eragrostis Lam., 1791 (= Cyperus vegetus Willd., 1797 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

CCC

ges

RRR

ges

Caltha palustris & Cyperus eragrostis

ges

Coumpara Gauche-d'aigo emé uno autro planto

Coumpara Triangle(-verturious) emé uno autro planto